十公里

我想參加 2014 的渣打馬拉松，上網查看，知資料細節將於９月中公佈！可能因為咁，而家逢星期日練跑好似有Ｄ目標！不過，要搵到人陪我參加的確很難，星期六同兩位師兄講過，其中一位說他搭上搭好似聽過有朋友曾參加過；另一位則說之前跑過，今年想跑半馬！我問他有冇興趣跑多一年十公里？他見我都係跑步的人（他竟然看到我對黃色跑鞋就知曉，真醒目，真係同道中人啊！），便考慮好冇同我跑渣馬！但是，令他頭痛的是，他住新界，如果跑十公里，５點幾起跑，要過來港島區，他應該２點出門口，過來準備集合。。。似乎有點難度！

今日去跑步特登來個正式計時，我輕鬆的跑（中間有幾個圈特意行一半跑一半），結果 53 分 12 秒完成十公里！睇番過往渣馬紀錄，香港保持者係 34 分多Ｄ，而上年十公里女子最佳成績係 50 分鐘！知名的如劉心悠，呀徐，hotcha 都係一小時多Ｄ！嘩，原來我快過晒女 artists！而且，與最佳成績只差廿分鐘！我心諗，如果我認真跑，唔係行一半跑一半，分分鐘可以破自己紀錄，甚至破大會紀錄啊！。。。唔知，到時我會唔會被訪問，上電視呢，嘻嘻！

加油啊，run for a reason！－－我喜歡呢句 slogan！