怕且要為美心快餐開一個file，呢間分店越來越「求其」、「敷衍」，由食物水準／質素、服務、待客、安排、價錢各方面，都趨向往「離晒譜」目標邁進！
如常去美心食野，今次食腸蛋麵，等左一陣就有得食！我捧著個餐走到四人對座位子坐下，見碗腸蛋麵賣相幾靚，隻蛋仲係太陽蛋添，開開心心諗住開餐，正把餐具從個透明袋取出時，赫見隻匙羹充滿著「斑駁的啡色」、勁污糟，當時心諗會唔會係鏽蝕或刮痕？於是用紙巾抹下佢！唔抹由自可，一抹就feel到Ｄ污糟野呈凹凹凸凸狀，即係果Ｄ根本就係穢漬！！！我忍唔住拎隻匙羹出去counter更換，仲問佢地究竟有冇認真將餐具洗乾淨！個女職員固然冇答過我，就連簡單的「唔好意思」等說話都冇！就咁拎過另一套餐具俾我就算數！嘩，咩態度？？？
沒有留言:
張貼留言