美心奄列茶餐

美心推出奄列茶餐，未食前準覺得應該跟出面茶餐廳那類有麵有奄列有餐飲的「常餐」或「特餐」差不多，但這個餐的磨菇是凍的，個意粉又係有陣油益味，無論質和量都強差人意！

蕃茄湯牛肉意粉茶餐（$26）：蕃茄湯牛肉意粉＋磨菇火腿奄列＋果占厚多士＋熱飲！

奄列變炒碎蛋？！碎濕濕，份量得1/4塊方包咁多！

湯底只有淡淡蕃茄味，卻有濃濃的燒味油益味道混合！意粉完全唔入味！

（左邊多士）Jam宛在中央，大如壹圓！（右邊多士）Jam只有右下角「一點」，少得可憐！

先講碗蕃茄湯牛肉意粉：個湯好稀，味道勁淡，只有少許蕃茄味卻有濃濃的燒味油益味混合！牛肉片數量ok，但意粉吸收不到丁點茄牛味道和精髓！

其次，磨菇火腿奄列！下，這就叫做奄列？？？最多只可說是「炒碎蛋」而已－－碎濕濕，份量少得可憐，大約只有４分之１「飛邊」白麵包的size！火腿絲數量尚可，但磨菇嗎？只有４薄片咁多（夾埋都唔夠一粒磨菇），而且又是凍的，簡直離晒譜，無論質同量都不能接受！！！

不僅奄列令我激氣，還有件果占厚多士！果占真係好少，活像敷衍塗上去般！左面那半塊，只有中間位置沾有少許jam（範圍只有一個壹圓硬幣般大）！右面那半塊多士的jam仲更加少，只有最右下角的「一點」！要言之，jam乃烘完塊麵包後再由職員人手塗上去的，如果大小如此而塗搽位置又那麼「奇怪」，那位職員未免有點敷衍了事！