美心油髀瀨茶餐

我一直都有寫食評，上至貴價高檔餐廳下至連鎖快餐及街頭小食都有涉獵、當中有彈有讚！今日又落樓下美心開餐，食嘅又係油髀瀨茶餐！

對於連鎖快餐店本來都期望不大，不過這間美心（新開張只有8個月），我由新開張至今都一直幫襯，真箇「睇住佢大睇住佢壞／變質」，先不談論它已無聲無息、故弄玄虛的加價２次，然它的水準及服務都每況愈下！（*其中一個事例：關於它的服務、安排及內部溝通之差勁，可參看本網誌於2011年10月20日發表的《黑白淡奶換購風波》一篇！）

今回要說說的是美心油髀瀨茶餐！



油髀肥美豐腴（一隻可切成７舊）



2011年7月：油雞髀瀨連飲品只是$19，油髀肥美豐腴賣相討好（一隻雞髀可切成７舊），大大碗又夠飽，真係$20都唔駛！（那時還覺得美心燒味也不錯！）

隻油髀細隻又奀（一隻只切成４舊）

2012年2月：油雞髀瀨單售$17，如要飲品則要另加錢$5，total $22！隻油髀細隻又奀（一隻雞髀只切成４舊）、似長期浸烚在鹵汁、加水又加水的不斷薰煮；導致隻油髀色澤變至瘀黑唔在講，層雞皮因久浸致令一夾起即有８成甩離，味道死鹹得來只有陣陣烚煮的熱水味而毫無雞味及鹵汁味！。。。今日食的那隻，除上述的缺點外還有陣陣的羶噁味，碗瀨粉的湯像溝入腩汁及燒肉的混合油益味，總之就是很難啃，食了三分一已覺反胃！

這還未算，12月起堂食時已發覺隨餐具附上的那片餐紙巾，充滿著陣陣的怪羶味，似嘔吐物乾涸後＋潮溼天氣衣物半乾未透那種酸臭悶味，嘩，真是受不了！希望有關方面可以跟進並注意改善！