佛都有火

早上，個 designer 又 copy & paste 錯野，將２隻稿Ｄ字 combine 成一隻唔知講乜的稿，又將萬寧 promotion d 字 copy 錯！
第一次 proofread 我發現：同佢講佢又唔明，仲唔知錯乜；
第二次 proofread：我見佢冇改正到萬寧果段字，我又再叫佢改！
第三次 proofread：個 promotion msg，佢仲懶叻 forward 我個 email 俾番我，似在說係我咁 send 俾佢地佢地咪照落！－－我同佢講，你再睇下個 email，上面寫著係 promotion period 而已；我 forward 俾大家，係想大家同步得知萬寧的 promotion！目的係唔想你地唔理唔盛，全部要我出去搵野食仲要餵埋黎等你地張開口食！（尾果２句我冇講出口）
第四次 proofread：佢改Ｄ唔改Ｄ，又錯！我已冇氣！

一份稿可以對幾次，寫埋劃埋 mark 埋都仲要錯！簡直嚴重浪費我時間！（重點係，我俾佢地Ｄ字唔用，我已不厭其煩每次都自己打過晒Ｄ字，仲要用紅色 bold 左佢等佢地容易睇！。。。真想講粗口）

我成朝都冇時間去廁所，終於在 lunch 前趕緊去！由我個位行出去公司門口，沿途經過幾位同事個位，我見到佢地竟然：
一個上網搵工，一個開新 fb acc＋睇 blog，一個攪 yahoo auction，一個睇淘寶裙，一個在whatsapp，兩個躲在一旁 chit-chat！全公司有９個人（包括我及一個出左街的 sales），７個人竟然喺度做緊呢Ｄ野！！！

係咪全公司只係請左我一個人做野？我忙到廁所都去唔到，假又放唔到，每日仲要勁 OT 勁包你地底！真係佛都有火！