唱Ｋ睇戲

同好友唱 lunch K 補祝她生日，12 點唱到 3 點包一個 lunch，每位 $58（加一）。之後去 The One 睇戲！

呢套＜回到最愛的一天＞歷時２個鐘，睇下睇下我覺得裡面Ｄ橋段／內容分別包含了＜求愛大作戰＞＋＜人生交叉剔＞＋＜十二夜＞＋＜情逆三世緣＞。。。講男主角知道自己有超能力開始，由初時用超能力來為己慾而＂番轉頭＂再黎過；到最後係因為親人及＂不要愛得太遲＂這 message 而行駛超能力。整體來說內容有點貪心，而且不乏＂拖＂及＂犯駁位＂，個幾鐘劇情為左煲整套戲末段的＂哲理＂。。。而這個＂哲理＂我又覺得係為加而加，感覺有點夾硬來。

睇完戲我地就散了！在 7-11 增值，排我前面的人買了一本外國雜誌，有成廿幾個印花，佢話佢自己唔儲，問我要唔要？於是，無啦啦我就多了廿幾個印花！