這星期

9月26日：（老闆飛左）下午有個客打黎話其中一隻產品個包裝盒同個樽身D成份唔同，CS問我咩事，係咪曾經改過Ｄ包裝盒？我說是，基於新的＜商品說明條例＞我地 revised過！我翻查過去２年的 printing，細CHECK之下可能係某設計同事 COPY & PASTE 舊 file 整錯，因為成份那一 part 沒有改動，聽她說用番舊 file 所以我冇細 proofread！
因為所有字都涉及我，係我包尾冇對，故我都有錯，點算呢！我急得哭起來，呢次係第５次在公司哭！...CS 說個客死纏爛打，一定要有個人出黎交代，更要話俾老闆知！呢件事，我地要再整過Ｄ label 貼上包裝盒，要同客解釋，我要賠錢！。。。

9月30日：（老闆終於番黎！） 早上，老闆見我回來即走出黎鬧，話我整錯野都唔急於補獲…其實，我再三諗，我都係被害，記得出事當日，果位同事即 forward 我Ｄ email，又說這說那，將個責任堆俾我！
下午老闆再鬧我關於日本某產品的事！其實呢單野係老闆記錯兼講錯，我根本冇 send 過野俾台灣人...佢鬧我呢排發緊夢云云，我好嬲，又喊！

10月2日：請人，佢居然打算請一個有文字障礙，兼而家要重讀番英文ＡＢＣ的設計師。。。聽罷我好嬲，因為我地Ｄ稿係多字的稿，佢連讀／理解字都有問題，咁好容易會 copy & paste錯！我預視到結果，係我要勁 proofread，workload有加冇減！佢說正常人都會唔小心／大意整錯，咁而家呢個＂障礙小姐＂好平常，佢覺得她冇問題，我知佢性格，佢根本就想請她，根本冇諗過我感受和 workload，亦冇諗過我死活。之前口口聲聲話 team work，以及我第一次在公司喊係因為我１頂２，工作量加多，佢當時話過：＂唔怕，因為我有後盾，我有佢！＂。。。而家所有，都已成粉筆字抹走晒！

10月3日：我一個人仍想去東歐，已睇好團，買了旅遊書，準備報名交費！所以昨天遞假紙，點知今日老闆劈頭就問：＂你係咪一定要放假？我唔批喎！＂儘管我佯說我已報團及俾晒錢都好，佢都說：＂唔會批！＂我說：＂呢度唔俾帶假，咁今年我咪唔駛放？＂老闆居然說：＂咁我俾你帶落下年，你新年放啦！＂。。。而家我一個月前請假你都唔批，難道下年我＂累積＂有十幾日假你又會批？同埋，口講無憑，你係老闆，你而家點講都得啦！。。。我想出走，係因為我要 refresh，我精神和工作壓力已爆煲，你又唔會請人。。。（新年真係可以放到假嗎？新年旅行勁貴囉！）

請假一事，我似乎有點預左，但冇諗過結果真係會咁慘淡！不過，我心情尚算平靜，因為除此之外，仲有另些事我更失望！