玩樂

黎緊連放三日，星期六又唔駛聽佛，星期日又唔駛上日文，我終於都可以＂正式＂放下假，雖然預左都會帶野回家做，但今次的假期，難得地我竟然有約！

首先星期六，我和父母會入元朗同 Chloe 小妹妹玩！這小妮子說過會和我去冒險樂園，教我擲銀仔，一起玩波波池，食捲捲的絲絲棉花糖。之後也會同我跑步，打遷秋！仲會去 club house 做 gym。另外，lunch 和 dinner 都已訂檯，一試元朗好出名果間特長壽司，晚餐會試韜韜介紹過的大榮華！至於星期日，則和好友唱Ｋ補祝她生日！

暫時黎講，我的生活好像踏實了！由於 Chloe 小妹妹鐘意食波板糖，今早我特地去公司樓下的街坊商場仔，去那間出口零食店找找看，最後買了一桶子 EDO 波板糖。記得這款糖我在＜衝上雲霄ＩＩ＞見過呀 Sam 食過，口味多，每支糖小巧別緻，之前行逛時也想買一桶番公司，不過諗諗下得我一個人食，幾時食得完，肯定擱起來便溶，而家有機會買和食，真好！