 |
這鞋子附送３對鞋帶：橙紅色、寶藍色及白色！ |
屋企人打牌我就會唔開心，心情亦會急劇低落，唔開心的時候我就會想到 Adidas！
或許太耐冇去過銅鑼灣啦，好多地標的店舖都相繼易手！甫出地鐵，眼前的渣甸坊本來有間幾層高的屈臣氏、Giordano、Giordano Ladies，但現在都變成另一「潮聖」熱點──Forever 21！沿路走過，都被一眾自由行擠得肩膀被撞到幾次、左腳也被他們的拖拉喼「碌過」（連對唔住都冇講聲）！我以一貫的急步前往 Times Square，率先見到的是「二次創作」event、見到 903 的同事和古巨基！以及廣場對開，那幾個鐵線裝置藝術！由於「心有所屬」，所以我就直上６樓到我至愛的 Adidas！冇行半年，Adidas Original 原來也進駐了，好端端的在 Catalog隔離；行過對面 zone，還有 Adidas Performance呢！
結果，我買了一對白布鞋！這對鞋約一年多前於網上見過，當時只有外國 Adidas 有售。心如鹿撞一刻即試著，sales 查中央電腦，原來我的碼子只剩一對（其餘店舖，乃至全港都已售罄）！這對白布鞋著上腳後感覺很好，唯一要考慮的，就是配搭那種顏色的鞋帶！
沒有留言:
張貼留言