初一 DINNER @聰嫂原素

陳皮欖角豆腐：豆腐好滑，D欖角已和陳皮混和，香口美味；驟看以為是黑松露！

津白醬爆素肉丸煲：小心熨口，D肉丸會爆醬！津白好鮮甜，粉絲雪雪雪！

沙爹金菇翠肉瓜粉絲：個沙爹不得了，所有菜都索晒味，正！內裡仲有西芹，大大碟份量足，屬性價比之選！

以上的配例湯或茶，一向對中湯或例湯麻麻的的，一聽到是蓮藕花生綠豆湯，就毫不猶豫的要了！個湯好足料又冇味精，鮮甜味美夠火喉，似自家媽媽的愛心靚湯，飲完暖身又窩心，實在好驚喜！(呢碗湯，我連渣都食清光...好少可的！)