交換禮物之選

萬寧呢期印花換嘅 OSIM 東東，我會 PREFER 肩頸按帶，不過礙於手頭上的按摩器經驗，如果你個人唔俾力施壓，佢D 滾輪係唔貼的...換句話說，係按唔到的...蹝鬼氣。

有次行過日本城，見到一條珊瑚絨面的 NECK WARMER MASSAGER，睇黎又暖又可按摩，仲要係有牌子的，$299.9 減至 $169.9 已令我心心眼......當時我想問職員，它使用時係咪連住條電線 (見制上或團購，類似可暖身可按摩的東西，都係連住條線或要插住 USB 用，一係條線又短，一係叉成個鐘用得半個鐘又要再叉...真係唔方便。)，定係可以離線使用？可惜由於妯舖，店員都無暇理我只自顧執貨...算吧，下次有機會先再問啦！估唔到再相隔一星期，再行過日本城，下？！$100 一條，真係好平喎！我再次心心眼。

問過職員，它可離線用，而且只係用 2 粒 2A 電就可，嘩，真係好方便而且平靚正呀！如果番緊工嘅朋友聖誕  PARTY 交換禮物，呢個亦可係心水選擇！