點解？！明明叫薑汁燉鮮奶，點知食了一匙，兩匙都冇薑味......見同樣食緊同款糖水的媽媽冇出聲，大家都以為只係少薑汁而已......但食了半碗，我覺得應該係店員俾錯，成碗野淺黃色...蛋味極濃......之前食過，端來未食已嗅得一陣薑味！同埋，薑汁燉鮮奶係用玻璃碗的！算......燉蛋就燉蛋啦，反正都好耐冇食過......
付款時，媽媽多口向另一店員說："你地D薑汁燉鮮奶冇薑味，唔講仲以為俾錯添！" 個店員回答："唔會架喎，可能落少左薑，少D薑味唧！" 我心入面的 VO："唔係少D，係直頭冇薑味！"
*PS：下午同夜晚的店員無論態度，對店舖 / 食品熟悉程度，待客態度都好好好唔同！
當日小插曲：(1) 有堂食客叫了一碗糖水，之後問有冇腸粉，店員不置可否行左去，端來一碗糖水給那客人之後又行左去......客人食完糖水快步離去，冇見到佢有冇俾錢......之後那店員施施然拎左碟腸粉出來，方發現客人走左，連碗糖水另一位店員都唔知有冇收錢。 (2) 有客人叫了粥+一款湯水外賣，問幾錢？店內 2 位店員你推我我推你，擾攘完一輪店員A同店員B說，餐牌有寫價錢，你睇啦......真係吹X脹。點做野架你地，不知所謂......時，我方見到原來店內仲有一位店員C，她竟然好似透明人間咁，不聞不問，逕自食野......下，我真係恭喜呢間糖水舖的老闆，請到呢D好員工！...... (3) 故事 (2) 未完，因為又係冇人回應外賣客人有冇粥，突然店員B邊拎住個熱騰騰的銻煲，急步爪窄巷出來，說："有粥喎，係咪有人要？" 下，咁都得，成煲拎出來？好在當時媽媽冇站起或大動作食糖水，如果唔係，二人一定撞上，成煲熱粥照身淋......
呢D，唔係培唔培訓的問題，係常識......睇黎，我都唔會夜晚黎鋒少啦！
沒有留言:
張貼留言