出院後忍口了一排，前幾天我心思思想食點辣，記起未黎過太古坊入面呢間泰國野，佢有個冬蔭公粉麵餐，一於試下先！
餐廳環境都幾舒適，有裝修有設計，光猛潔淨，店員都幾 NICE。
呢個一餸特色自選粉，我要了冬蔭公+肥牛粉絲！侍應端來時，我方發現原來它只是個湯底係冬蔭公而已，而不是一碗冬蔭公肥牛粉絲，只怪自己冇睇清楚…難免失望。不過以 $32 來說算係咁了！
個湯唔算勁辣果種，香料欠奉，比起聞名的泰式食肆又真係遜色了。肥牛有D較韌，份量方面都OK嘅。至於杯熱奶茶就幾好飲，又夠滑。總算為成個餐加番D分。
另外，碗榨菜肉絲蛋麵 ($30)，又稱榨蛋麵則好入味，料夠多，有青菜以伴，都叫有菜有肉啦！
沒有留言:
張貼留言