登打士食街

太耐冇到來家樂 (而家變了 H&M)，知對面好多新興食肆，好多雜誌都 KEEP 住報導。路經此地，發現原來早已變天，不得不 UPDATE 一下！

日本雪糕蜜瓜包已登陸，各式的台式飲料店，地道 / 新潮小食店......如果我唔係太飽，我應該會掃街！不過，我都幫襯買了一杯抹茶瑪奇朵！

好奇怪，職員問我即飲定拎走？我答即飲。於是職員就開了個厄位，叫我就咁斜斜地飲便行！我心諗，不是要拎飲管，不是篤支飲管入去飲嗎？唔通我已 OUT 到一個點？！......手機飲先之後，我瞥了瞥杯蓋上的厄位，有點遲疑著。如果我斜斜地飲，應該要一段時間先可以飲到奶蓋下面的抹茶...假如我太大動作的話，一飲豈不是會斜瀉，由領口一直倒落至一身都係？！...咁，點飲呀！何況我想先搗勻一下奶蓋與抹茶...不得已，再折返拎支飲管。