藍屋 @ 炮台山

搭巴士經過見到，咦，新開張喎！上網睇佢 TEA MENU 相比之下唔太貴又多款揀，而且2點已開始，昨天就和父母去試。

呢度裝修得好骨子，藍色白色好希臘 FEEL，場內光猛愜意。略嫌門口直入右邊靠牆的四人檯有滴水。

我和爸爸試佢個焗飯，媽媽則試湯烏冬。整體黎講，即叫即焗，焗飯D飯較林 (未致於爛)，唔會起焦食到牙頂頂！(由於父母年老，牙齒不大好；如果太硬的食物會UN牙，和頂到牙痛！所以佢地好怕食到飯焦和炒到又趣又硬的中式麵) 

我個蒜容雞扒焗飯好入味，D雞已切件，方便顧客大啖食。爸爸的燒汁魚柳焗飯，D魚夠腍唔腥，炸漿唔太厚，食得出它唔係再翻炸的！以下午茶時段焗飯黎講，份量夠多，熱溶的芝士好均勻好輕軟、唔太羶，就連一向怕芝士陣除的爸爸都覺得OK。至於媽媽的湯烏冬，也算大碗！湯底幾清唔太味精，有小紅蘿蔔等配料，雙拼只係 $28，比北角和鰂魚涌的茶仔便宜！呢間可以翻炒！