咁大個人…第一次正正經經洗個面

一直都冇用什麼產品來”進行”洗面程序，平時都只是以毛巾濕濕水，然後洗面…就係咁簡單！

可能前陣子因病入院，加上之前連病了一個月，蓬頭垢面，沒精神力氣去兼顧自己”身世”，一直都是烏烏  WHERE WHERE  的…出院後待身體康復了些，立刻敷個黑炭去除  T  字位的黑頭及角質、也敷了個 MASK  補補水。今晚，就索性正正經經洗個面！

正正經經係指：我咁大個女首次用洗面用品洗面------洗面乳以及洗面樸；新屎坑嘛，是次洗面嘅感覺好得意！PUMP一至兩下洗面乳於樸樸上，直接在面上打圈洗擦  +  按摩便可。洗面乳無色無味，不皂不泡 (有泡代表產品加入起泡劑，對皮膚尤其係敏感肌唔好，也會導致乾涸泛紅情況)，不刺激皮膚，意外地有卸妝效果！正正經經洗完個面，感覺好似正式幫塊面沖左一次涼咁，乾爽潔淨，皮膚又冇覺得繃緊！似乎係 good start 喎！

*洗面乳：Neutrogena Extra Gentle Cleanser (從網上進行多方面的資料搜集，最後得出結論係 Neutrogena 及 Physiogel 兩款。撞岩萬寧減價，前者只係五十多元而已，後者八十多元，由於首次試用，就試支平的吧！)

**洗面樸：購自日本城，十零蚊一包，一包有 2 個，每個獨立包裝！質地好輕軟細滑，在面上拭擦或打圈按摩也沒有不適感。(我特意不選”有孔海綿”那款，因為我不打算洗面時有 “起泡”及磨砂作用，以免皮膚敏感。)