飛滋。飛滋膏

入院前左下唇生了粒好似牙咁大粒的飛滋，忍了  2  天喺還未買到飛滋膏情況下，無奈搽口健樂 (*絕對絕對唔係廣告宣稱的  5  秒止痛，這根據爸爸上次及我自己的親身經驗而說！一搽即”拿”到飛滋中央出血，孩滋加附近位置隨即腫起一舊…之後KEEP住”拿”+痛  7至10  日，粒飛滋自己慢慢好；好番之後飛滋個圓形會呈”凹陷”狀？！……)。

又因為再發燒睇西醫，順便問佢邊隻飛滋膏好？醫生提議  Kenalog (竟然和我自己上網找的一樣)，可是它已冇再出品；藥房推薦我用 Mecol orabase 5g ointment，說它是 Kenalog 的姊妹產品，功效差唔多！OK，我要了一支 ($40而已，比萬寧藥劑  COUNTER的 “非藥劑職員”介紹那隻 $9X 便宜。)

如是者，我臨睡前搽一次，搽了 2 次，呢粒成隻牙咁大的飛滋就好番啦！厲害！

小插曲：出院後我條脷右邊位置又生了飛滋！冇錯，係條脷生飛滋！於是我再搽 Mecol飛滋膏，又係搽左 2 次就好番了！

呢支飛滋膏平靚正，真心推介！