自家製沙律

媽媽廚藝不算精湛，也少入廚煮食，但有幾款 "媽媽出手" 煮的東西確實好好食，包括：腐竹雞蛋糖水，蒜容炒豆苗，苟杞湯，豉椒炒魷，同埋沙律。

今次鄰居俾了一袋薯仔我們，聞說是唔知到那裡有機農場自己種自己摘的，於是我提議用來整沙律。材料包括：粟米，蘋果，雞蛋，青瓜。

至於 "重中之重" ---沙律醬方面，以前用過卡夫紅蓋 (但太酸，要同時加兩湯匙煉奶才行)，卡夫綠蓋又酸味欠奉，丘比的蛋黃醬整出來味道又偏鹹......不得要領，聰明的媽媽竟然逕自問過連鎖快餐店及茶餐廳，佢地 D 沙律係用咩醬？得悉了後，我家但凡要整沙律，媽媽都會買丘比沙拉醬 (香甜味)，它酸甜度剛好，不用加煉奶以拌！聞說一些酒店都是用此醬呢。