焗牛油薯容田螺 @ 意粉屋

自從 N 年前在 MARIO 食過焗牛油薯容田螺之後都好耐冇食過了，而一般食肆好像沒這菜式。今回在意粉屋見到，一碟有焗牛油薯容+菠菜+煙肉粒和 6 隻田螺，即刻要食！另外要多個蟹肉大蝦卡邦尼意粉，一意粉一田螺和姐姐 SHARE 岩岩好。

唔止 MARIO，其實意粉屋都係咁大個女第二次食，因佢價錢比 PIZZA HUT 貴，又冇芝心批，所以都好少考慮意粉屋。

除左田螺之外，碟意粉不過不失，都算大碟；我們二人每人可以 "添食" 一轉。至於 D 蝦好爽好鮮，要嫌的就係蟹肉甚少，應該說成碟得 6 粒 (每粒的 SIZE 如半塊手指尾的指甲般而已......)，而且有好多蟹殼，小朋友和老人家要小心食。再者，成碟意粉與汁好像沒關係咁，意粉還意粉，汁還汁；好似茶餐廳夾完意粉再林 D 汁上去咁。