元宵一龍五獅

要開年的已開年，要採青的已採青，收爐的又再開爐；話晒都已經年十五，仲以為今年冇得睇舞獅......

正值元宵，步出灣仔地鐵站已聽到鑼鼓聲，心諗，是玩具街裡面傳來嗎？是合和中心果邊嗎？下午六時了，咁晏點會仲有舞獅......於是繼續往金鐘方向行，瞥見對面修頓球場那裡有 "龍身" 起伏，由於附近被修路的圍板遮擋著，看不清楚攪什麼。見鑼鼓聲持續，不如過去睇下啦......

走進修頓，原來有個元宵活動，仲要剛剛開始！下，咁晏先開始？不過還好，因為我好想睇舞獅，仲要有埋舞龍添；更難得的是，是次活動不像平時店舖 / 商廈開張 / 開年那樣被眾多的護衛員 / 職員 / 工作人員所攔，這裡大家都守秩序，安份有禮，所以更可以自由走位，近距離地看。嘩，足足睇左半個鐘！有 5 獅 1 龍，有點睛，簪花掛紅，上樁，噴煙噴彩帶，遊園等，睇完心裡有點踏實感覺。