Bouncia 牛乳石鹼 cow style milky & bouncia

說好的綿密泡泡，說好的滋潤，說好的...呢？？？

從廣告知有這新沖涼泡上市，看過我這 BLOG 的朋友都知道，我家的媽媽總愛 "試" 新品，但凡廁紙，面紙，沖涼液，洗頭水等產品，一經我媽使用，很快會被 "DQ"......同時，過了不久，她又總會再買，不停用了一兩次便丟，買完棄用又換又再買，不停輪迥...

我認得這招牌，就是之前見過白色樽身，上有紅圈加一隻乳牛的品牌，是轉裝再售 (產品銷售法則也)？還是新配方？之前用緊的還沒用完，媽媽見廣告宣稱好滋潤，給乾燥 / 冬天肌膚予保護，翌日便買了來用。(其實 DOVE 也夠滋潤，真心覺得好用；不過媽媽嫌太滑，好似沖唔淨咁)

唔用由自可，一用就......PUMP出來的不是泡，更不用說係咪綿密......沖涼乳乳身是稀的水...算，照用啦，反正洗濕左個身了。搽上身，好啜身，好難推開搽勻，一D潤感都冇，好似八十年代用加信氏番梘沖涼咁。味道方面，鹼味好重，沒有清新或芳香，好似冇用梘齋用水沖涼咁。

沖完成身皮膚仲顯得繃緊，有點唔自在。唔夠滋潤，反而好快 "立"，好似冇沖過涼咁。希望快D用完呢支，即換番其他牌子。