我真係唔識得瞓......日本京都西川枕頭

見瞓開的枕頭 "老了"，近排也有頸痛之嫌，所以換個新的。記得 AEON 有個專櫃，好似可以幫你度頭及頸高度，來決定你合適那個枕頭，趁 AEON 卡回饋日有折頭，去看看啦。

去到寢具 counter，揀了一個藍色的日本健康枕，而原來所謂的 "專櫃"，只是放了 2 個 "床位"，俾你拎個枕頭去 "試瞓"。我即場試過仰睡和側睡，覺得這枕頭 OK (藍色係最高款，它有黃色(最扁最淋)，粉紅色等不同硬度和高度之分)，便買回家。點知晚上一躺上就出事了...

就像買鞋一樣，明明即場試係岩係舒服的，但唔知點解回家後 / 過一排先著時，總係變得唔岩和刮腳......

這枕頭好古怪，左右兩邊高起 (仲要係左更高，右低 D)，中間凹下 (凹下去的果 part 嘅中央又凸起一橫條形)。成個枕頭 horizontal 睇，就好似過山車的軌道咁，高低起伏......可能係承托個頭而又可以托到頸位啦！(唯有幫佢搵藉口)

平放：高低不平的。

側看：高度凸起，不是頸位又不是後尾枕位。（因後尾枕位落在最中央，凹下去那處）

當仰睡時，個頭就好似窩左落去中間 fix 死個位果度；一轉側就明顯地 feel 到個位唔岩了，成個頭好似 long 起左咁，仲要唔係成個頭喎 (因枕頭左右兩則冇咁闊身，變左 long 唔晒個頭)。

打側睡個頭會凌空左，除非你 "側睡正喺中間的凹位" 啦...如是者，你要當心要提醒自己要 "瞓喺枕頭正中"，偶一不慎，頭和頸都承托唔到......如此，"落枕" 形成壓力，仲要瞓好喺中間位就唔好郁 (難聽 D 講，你最好好似「死 C 」咁，平躺面向天咁瞓正唔好郁)，咁瞓法其實唔多舒服。

同埋，成個枕頭只有中間部份係由 2 塊好似手巾仔咁大的棉塊，左右則是膠管製成 (可想像你枕膠管有幾咁舒服！) 

唉，呢個新枕頭計埋折扣都要成 $299，另要埋個枕頭套 ($70)......我真係唔係好識點用佢黎瞓...