葵廣海膽手卷

人傳人或報傳報或紙媒網媒鋪天蓋地的報導，葵廣 (即葵芳廣場) 增添好多食店，地道的日系的，食的飲的乜都有。走入去，真係好似行緊工展會或美食節，人山人海。

好似呢個海膽手卷，有齊加拿大及馬糞海膽，有成半板咁多，真係抵食夾大件！是次我心思思，要了三文魚+海膽手卷 ($29)，它落柯打即製，等左一陣就有得食。拎住個手卷梗係相機食先，之後去到前面張檯，倒了點豉油就開餐啦喂！

***由於人太多，又不設座位，大家記得拎定紙巾出黎，食時冇咁慍吞。