美麗華 Habitu 金栗白松露 LATTE

只係 11 月限定的金栗咖啡，終於有機會試！個女店員似乎又係玄壇，知我唔係食野只係 "齋飲"，即時變臉！咦，美麗華分店原來係有最低消費？！......其實我只係想飲杯咖啡清清口及叉叉電而已，咁唯有要外賣啦。

等左 10 分鐘以上 (當時又係得 3 檯客，佢地食完正在 "吹水" 中，廚房 / 口吧應該唔算忙囉！)，"終於" 有得拎。

唔知係外賣問題定係分店問題，太古城及金鐘分店都好 OK......但呢杯，就不敢恭維......

這金栗白松露 LATTE，溫度方面雖則佢夠熱，不過栗子味及白松露味欠奉；雖然我唔係咖啡達人，不過以我的 "啡齡"，都仲可以分得出咖啡及 LATTE......手中呢杯，似係翻滾左嘅深啡色罐裝雀巢特濃咖啡而已......飲至成杯的 3 分 1 左右，突如其來的 "厚糖漿"，真係嗆口膩牙！當堂打左個冷顫......唉，剛剛先食左碗油益拉麵，隨後又飲左杯五十幾蚊嘅 "雀巢特濃"，真係想爆！