新森林焗之專門店...把鬼！

一輪香噴噴嘅焗芝士香味，一輪沉厚嘅白汁焗味，每逢經過新森林焗之專門店都一定吞口水。我這個 "白汁+芝士控" 一直想試，但就周不時聽到家人或朋友說呢間唔掂，唔好食......真的嗎？

下午茶時段終於有機會到太古坊分店試！黎得就冇理由唔叫焗飯啦，甫坐下即叫了白汁牛肝菌豬扒焗飯+即磨咖啡套餐 ($41，以 TEA TIME 份量及 TEA TIME 價錢黎講算貴)，等左一陣就有得食！

熱辣辣的焗飯賣相應該唔錯，唔知味道如何！咦，乜原來呢度只有叉匙...冇刀架？！......件豬扒又唔係碎上，點切開呢？...算，叉匙都照食，因為都幾肚餓下。

先把叉子叉進，咦，UFO？個頗熱嘅鐵盤起勢轉......唯有一手用叉在另一旁固定，再另一手用匙畢飯食啦！嗯，個白汁焗飯真係冇白汁焗味，又冇芝士味...嚴格黎講，成個飯係冇味的，似白烚！

D飯好多飯焦 (唔似煲仔飯果種焦香)，硬到咬唔開不特止，仲好黐牙。D菌味充滿，豬扒味道又乾又韌，食一半食唔到一半......我終於明白點解咁多人叫我唔好 "中伏"......呢間焗飯專門店，真係好睇唔好食。(安慰的是，杯咖啡尚算 OK)