OLAY 水凝晚安凍膜

睇過我呢個 BLOG 的朋友都知道我是 OLAY FANS，由第一瓶護膚品開始已用 OLAY，一來覺得容易購買（可以自己在萬寧揀和買，唔駛俾人硬推銷）；二來覺得價錢合理，付得起（當時只是大學生），質素不賴，效果不錯，所以沿用至今，我用 OLAY 都已有廿年！

今回去萬寧入貨，當然包括 OLAY，我買了它的面膜（岩我這工時長又懶的人），包括：淨白去斑舒展及水凝修護面膜各一盒！前者喜歡它夠貼面，剪材很好很有彈性而夠舒展，淨白淡斑效果也 KEEP 到。後者則作平時急救補水用，夠快又有效！通常我都係兩款隔間使用，面珠墩托賴仍然保持白白有彈性！呢個年紀（雖然目測不似咁老），算係咁啦！

不過今次要說的，就係附送的 OLAY 水凝晚安凍膜！一小瓶 14g，我唔知它的原價係幾多，不過如果用得好我會入購！

用了一星期，係時候講下用後感：

打開蓋子，粉藍色的凍膜，好似水藍一樣，感覺怡人！

●質地：類似 GEL 那樣，拿取少許（約５毫子般大小），於左右及額點上３點，打圈塗勻（加少少按摩），很快就被皮膚吸收，不油不黏答！而且它有少許香味，很討好舒服！

●通常我都是卸妝潔面後塗上，由得它被皮膚吸收，唔駛過水唔駛抹，可以塗完就咁睡覺！（又係懶！）

●翌日，面部觸感好滑好彈，算飽水感！Ｔ字位乾涸甩皮情況消失，眼肚黑眼圈位置乾紋消失，當塗上 FOUNDATION MOUSSE時，很貼面很易推開！（代表皮膚補足水）
之前日日熬夜，皮膚很差！加埋在冷氣房待著，致皮膚很乾！早上塗了 FOUNDATION，額頭位及眼肚位已很散，唔係好推得均勻，下午更出現甩粉情況，一撻撻的，要點少少水才不致＂地圖般＂甩！

以手背展示給大家看（乾乾、無生気的）

點少許凍膜

左邊無搽（無名指及尾指位置）：仍是乾涸的！右邊（食指及中指下位置）：潤澤起來，像有層保護膜般！

總的來說，這凍膜無論方便度，質素及效果都有５粒星，值得推介！