鬆弛熊卸妝棉

之前提過日本 SHISEIDO 卸妝棉夠大塊，夠厚，質地好好（棉的表面唔會勾起成一絲絲，好索卸妝液，韌力夠，卸妝時唔會變形，而且底面都可用）！每次自己或有人去日本時都會入至少２盒！（不可不提，佢價錢平，一大盒只係 HK$17 左右）無論價錢和質地都好過／平過萬寧牌，百佳牌！

姐姐上次幫我入的２盒已用完，９月佢又會去東京，而家只好用住佢上次同步買入的鬆弛熊卸妝棉啦！

呢款鬆弛熊卸妝棉（雖不知價錢，聽姐姐說它是藥妝店送的贈品），包裝款式設計真係又靚又可愛，令人愛不釋手！一塊塊的卸妝棉，車了邊（挺細心），質地柔軟也唔會太薄，後面仲有一個開摺位，讓人可以伸手指入去，似乎設計很好很窩心！（雖然感覺有點似護墊！）

用它來卸妝，點上卸妝水，很索水！不過不夠大塊，而且不可反去背面再拭抹（因設有手指位），平時我只用３片來卸妝（左，右，額各一片），而家要用多２片呢！

不打緊，忍到９月就有 SHISEIDO 啦！