凡士林 ALOE GEL

除非去做永久脫毛療程，如果唔係腋下＋腳都要用刮刀除毛！

一直都用女士刮刀處理毛毛問題，一直都相安無事！一直都用 NIVEA 的止汗劑，由最初的那種，再用上花香－－無味－－淨白－－剃後防敏感等系列，都有好多年了！。。。不過，唔知係咪４月開始的皮膚問題，近排腋下和腳，都出現紅點＋刺痛感覺＋烚雞那樣的雞皮狀，有時會好痕癢。。。

關於這問題（姑且不算入蕁麻疹裡去），搽俄羅納英唔得，停用止汗劑唔得，停剃毛唔得！上網找找，睇過好多 BLOGGER 意見，有的都有我這些剃毛後問題，有的是本身皮膚問題，有的是激光脫毛療程間的皮膚護理問題。最後得出，搽蘆薈很好！之前都知道蘆薈對皮膚／護理等問題不俗，不過唔知咩牌子較好，又唔知蘆薈 LOTION 好些還是 GEL 好些。。。再找找看，知道凡士林這支蘆薈 GEL 對皮膚修護，紅點，雞皮狀，甚至激光脫毛療程後即搽，都好好！見價錢不貴又有效，去萬寧買了一支試試！

搽了一星期，腋下和腳上的紅點已好了好多，皮膚乾涸的情況有改善，雞皮凸起的情況已消失，刺痛感覺沒有！只是晚上間唔中有些痕癢。

這支GEL質地很輕巧，不油膩不立，沖涼後抹乾身體即搽，皮膚好快吸收，搽完即刻著番衫褲都唔會黏著，很清爽很好！另外，由於沒有酒精及香料，所以唔會對皮膚產生刺激！減價廿零蚊 100G，好抵用！就算不是剃後肌膚問題，以它作補濕修護，也很划算（當睇門口都唔錯呀）！