恕我不能祝福你！

這篇日記，係回應我8月6日，一篇用「放下」為題及內容的日記！

俾我估中左，佢老婆有左!．．．

 

8月6日那天早上，佢外母打俾佢，聽佢地對話內容，他說：＂昨天只係抽血！又話唐氏綜合症遲ｄ先云云！。。。＂要外母特登打俾佢問，又涉及唐氏，又驗身，聽著聽著當下我想到的目的只係得一個！－－就係產檢！．．．加埋前２日佢老婆去友人 house warming 的相，咁熱天氣以佢之前的案例，佢冇理由唔著背心，反而著闊身中袖黑色及膝長衫．．．加埋，我問過佢，佢話佢地今年應該唔去旅行．．．

之後再聽到他回應外母，說老婆早上唔番工下午先番！又叫外母可以打俾佢，因為佢已醒左只是賴在床上．．．又話隔日食雞蛋，講左一ｄ食野方面的習慣！

諗番轉頭，佢一直都唔贊成生ＢＢ（而且係態度極度強硬果種），因為他覺得呢個世界太可惡，又要湊又要養，又怕佢學壞。。。佢地兩公婆為左生ＢＢ都一直意見分歧，最終老婆都被遊說過來！如今。。。

 

最近，佢話 join 左 california，為的是想練體能想減肥！而家又成日同我打籃球，可能，我已𣎴知不覺成了他鍛鍊身體的代替品／陪伴者！

說實在，一個咁想生ＢＢ咁鍾意ＢＢ的女人，況且黎緊佢老婆 32 歲，都係時候生！．．．唔通等“高齡”咩！

今日，她就 forward 左一Ｄ關於ＢＢ房佈置的相片俾他。。。我就更加確定她真係有左，他真係生ＢＢ！

 

上網查看，知道關於產檢的種種：

10w2d（２個半月）---害喜反應：比較攰同埋食多咗嘢

12w5d（３個月）---唐氏綜合症產前篩選檢查

 

所以，佢老婆應該有左３個月，預產期應該係出年2、３月左右！。。。我又睇下，你幾時會同我講！

 

可恨我一直投放感情落去，因他喜而喜，因他悲而悲！我要想想將來，迫切的，就是想想辭職的事了！再對著，只會令自己越來越放唔低，情緒越來越不穩。天要我遇上一個好夾好投契好投緣，但又不可能一起的人，這，還有什麼意思呢？

對於我，真是一個好諷刺、好滑䅲的命運！