懂我。寵我

昨天千嬅上 may 姐節目，本來無恙，咪又係一個飲食節目！及至佢地圍埋食，傾下講下時，千嬅說有次佢同丁生 dating，經過一店，他倆在櫥窗望左一陣，丁生問佢係咪有野要買？佢話冇！之後佢地再 date，丁生即送上一份禮物！原來就係當日千嬅喺櫥窗望到果樣野！丁生好細心，千嬅只係望左一眼，而且又冇話係望邊樣物件，而且又冇話要買；翌日丁生就送左俾佢！呢個舉動真係好 sweet，好窩心！

我一直渴望有個懂我。寵我的人，他跟我的步伐一致，知我心事，了解我，保護我！我們思想相近，相處很舒服。。。可是，這一個＂他＂還未出現！或者，我應該說，＂他＂出現左，我們遇上了，但＂他＂不可能跟我一起！

當日千嬅跟鄭生分開，未嘗唔係一件好事！如果唔係，佢與丁生唔會一起！

今天，你叫我一齊落去買早餐，本來無恙！原來，你真係為我儲了６個印花，但想我自己親手換鬆弛熊！（之前我說過我冇乜運，所以你就同我一齊換，借Ｄ運氣俾我！）可惜，我又換到雞！你見狀還說，我換晒你想換果Ｄ！

我鍾意今日呢種感覺！就好似回到８月那時咁，我想呢種感覺繼續落去，但又唔想繼續落去，因為我好難先再習慣自己一個人，我冇時間療傷，冇時間愛一個根本冇機會一齊的人！