睇場戲

尋晚發惡夢，紮醒！再睡又係發惡夢，再紮醒！毅然醒來後，雖然夢的內容不太記得，但我慶幸只是發夢而已！。。。

睡得不穩，期間聽到廳中打牌聲，又聽到睡在上隔床的弟弟夢囈說：＂有冇攪錯！＂我知道，今日又要離家出走了！

今日冇上詠春，等到 tea time 時去大家樂食野，邊食邊查看手機 movie apps，知道最快有一場戲，是＜毒戰＞的優先場，所以拿拿臨食完即返家換衫，再落銅鑼灣！唔知點解皇室 UA 要成 $10 手續費，太古 UA 只係 $7 而已？！本來一直想睇＜忠烈楊家將＞，不過時間一直就唔岩，如今突然讓我看到杜琪峰＋韋家輝，時間又咁岩，所以看了＜毒戰＞。＜毒戰＞不過不失，雖未致於令人拍案叫絕，但也總比葉問前傳及葉問－終極一戰好看！它有一貫杜琪峰＋韋家輝的故事性及演繹方式，也有黑色幽默，都ＯＫ嘅！

睇完睇行逛左一陣，然後食碗酸辣米線就回家！現在的情況發展到，屋企一打牌我就離家出走，屋企冇得睇電視，我就到茶餐廳，主要目的就係裡面有電視睇。。。