復活戰

復活節假期正式開始，連日來的早出晚歸，體力透支，昨晚 11 點已周公急 call，不得不走上床！今日特意唔較鬧鐘，讓自然睡到自然醒，好耐都未試過瞓得咁爽，咁冇擔憂！終於，今日下午１點半正式起身！

梳洗後等到 2:30 tea time 去食野，然後去睇＜葉問－終極一戰＞。臨入場到商場樓下果層快行一轉，結果喺 CATALOG 失守。。。拿著戰利品睇戲，名副其實行街食飯睇戲！睇完打俾老豆，約佢地去北角食羽壽司，由於某些壽司減價（原價廿幾蚊一碟，而家 $9 件），於是狂劃紙仔，４件４件咁劃！結果，我個 "4字" 原來代表 "4碟" －－即係，變了每款８件。。。食到我同老豆完全投降！又由於我好想食雪糕，想左兩個禮拜，所以在回程時在麥記買了杯士多啤梨新地，今日真係飽上加飽！