切磋

由於星期六上堂通常都 over，練成３個鐘，所以即晚或翌日手臂，膀骼都酸痛，有次更是提唔起手，彷彿俾人廢了武功，要成個星期才感到好點！連續３星期的星期日都冇上堂，第一個星期日去了懿蓮淨苑，第２個星期日唔知醒，第３個星期日即係今日，由於昨晚失眠（最後看時間已是早上５點），所以今日冇精神＋雙手怨痛！儘管師傅及兩位好人師兄都問我今日會唔會番。。。

昨天對練很爽，期間有２位外藉人士前來，又拍照又黐手，有一位更邀請我２次和他對練！聽助教說，他們一年來香港一次，而且他們個＂朵＂好勁，之前來學完詠春就番回意大利繼續，更設館授徒，每年來港進行＂一期一會＂，嘩，真係失敬晒！我有幸可以有機會被＂點名＂對練，心感榮幸而且可以和他們切磋，感覺挺有趣！