double 永恆

今日終於有時間去香港藝術館睇＜Andy Warhol 15 分鐘的永恆＞展覽，之前有同事說：＂有什麼好睇？佢咪又係將同一樣野用唔同顏色照 dup 幾幅畫出黎！＂咩話？如果呢番話出自無知婦孺或者係行外人口中我唔會嘩然，但呢番話竟然出現喺一個 Art & Design 的行內人口中，我就覺得有Ｄ唔尊重，以及反映佢自己對呢方面嘅＂熱誠＂有幾多！

出乎意料之外，比起上次豐子愷展，今次排隊買飛嘅人唔多亦冇出現人龍，所以我好快就買到飛入場！入到去有好多一家大細，情侶，自由行睇，其實我覺得睇畫展一個人睇反而更可以靜靜思索，除左可以邊睇邊諗，諗下當時的社會環境，當時的復興與大勢，以及他的用色與技巧。

呢個展覽係 15 分鐘的永恆，我用左半個鐘行完！足足將永恆 double up！