當電力回復時如常的開電腦，點知唔著，明明前一晚已拔掉所有電掣，慎防有番電時會撞。下意識再關再開，又唔著。於是睇下個火牛，見冇著綠燈，唔通只係死左隻火牛？於是我1用新電腦的火牛再試，點知個圓頭 SIZE 唔岩插唔到......即打去 SONY 問，由於前幾年已冇再出 NOTEBOOK，一心只係想佢地會有配件，點知職員答要 CHECK，睇下邊個國家仲有火牛，再運來香港......基於唔知有冇，有又唔知幾時送到香港，最重要係唔知幾錢 (網上睇 2009 年的原裝火牛也要 $888)......冇辦法了，明天帶埋電腦火牛，去高登一趟。(小插曲：晚上十時見火牛曾經著過綠燈 5 秒)
去到高登，有火牛配 ($280)，店員讓我試插，點知又係唔著，原來係部 NOTEBOOK 死左。其實它已用了 9 年，算長壽了。猶記起當年人人不建議買 SONY，因為佢 D 配件 "獨市" 又貴，壽命唔長...不過當時睇過，要日本 HARDDISK，CPU 和記憶體計，外貌又靚仔，都只係一萬一仟左右，計埋保養，以一眾 NOTEBOOK 來說以及以 SONY 來說已叫平了！
天意，SONY NOTEBOOK 已完成任務了！
沒有留言:
張貼留言