暖寶

受不了冷天氣，迫不得已買暖寶！因最近太多水袋爆開熨傷事件，加上要盛八十度以下的溫水（冇可能次次煲，再倒再盛），故唔考慮買暖水袋！

之前在小商場見到有水袋及插電款的暖東西（唔知點叫它，就叫它做暖寶），圓形的，像小曲奇盒罐大小，樣式有卡通人物造型及橙，西瓜款。。。不過我隔日再去，已沒有西瓜款了，剩下２個，同樣是怪獸公司的大眼仔，＄９９一個，只是充電７至１０分鐘便行！

我特意帶回公司用（因我背後是落地大玻璃，好凍），叉滿佢自動關機，較安全！放上大腿，暖腳！店員說可暖５至７小時（按使用地方的溫度，可能會較短），可是我試用過只是暖上一小時四十五分鐘，頂多兩小時！唔緊要，因我腳下就是拖板，用完可再叉電，而且不須十分鐘叉好，又可再暖了！