我們叫了出名乳豬，燒鵝加一些點心，仲有東海堂流心芒果蛋糕！乳豬皮幾脆，肉質是半肥瘦，味道不過不失！而燒鵝，廚房厚切，所以舊舊都啖啖肉（唔似連鎖快餐店那樣只有骨），不過鵝味欠奉而且味道偏鹹，幸好有大大碟冰梅醬中和一下！點心方面，個生煎包得個樣，裡面的餡我估只有五毫子般大小。。。要數比較好味的，就是炸豆腐（裡面Ｄ豆腐好滑，充滿豆香），菜苗餃，蘿蔔絲卷和鳳爪！
而個蛋糕，東海堂的作品越見出色，而且個人認為比較與價錢相符！這個流心芒果蛋糕，也比COVA的芒果蛋糕好食！（咁岩昨天鬼佬老闆生日，就是食COVA的芒果蛋糕，所以可以比較得到）
食了個半鐘，我就和姐姐去花墟和金魚街行下，去金華冰室食菠蘿油＋熱央，之後再落灣仔上佛課！
落堂時見樓下大門口擺有一個用汽球造的醒獅，美輪美奐，今晚有吉祥法語卡抽呢！
沒有留言:
張貼留言