瑞士咖啡室

這類的咖啡室越開越多，繼之前的羅麥記（已結業了），今次試的就是炮台山七海的瑞士咖啡室！平時搭巴士時見過（因它就門前正正有個巴士站），總是大排長龍，今次成4點去，果然人流散了不少！

掀過餐牌，差d又俾公仔麵吸引過來！心想，黎得這兒，應該試下瑞士汁！於是我點了豬扒包沙律餐配熱央，再單點了2隻瑞士汁鷄翼！（一隻$10）

食物方面：個汁很好，吾會死鹹！鷄翼大大隻，係全翼！醃得好入味，讚！而個豬扒包，佢令我對豬扒包改觀！因為這個豬扒包不但冇骨，肉質鮮嫩吾韌、配埋洋蔥，個包上有芝麻，就算冇任何汁料，已好好味！沙律是什果沙律，合格！成個tea set夠豐富，杯央好滑吾澀！

最要讚的，就是那位侍應哥哥（不知他叫什麼名），吾好睇佢紋哂身，佢吾止有禮貌，又醒目（吾會搵位偷懶扮睇你吾到），落單傳菜好快手，仲會從顧客角度為出發點，殷勤又細心！

嚴格來說，平均$34一個下午茶餐其實有點貴（似銅鑼灣價），不過坐得舒服，食物味道好，服務又好，算打個和啦！