SAMMI 演唱會

朋友想睇 SAMMI 演唱會，一票難求，我就拿拿臨問人拎飛，因為內部認購，所以假若有飛，都可能係是晚，翌晚，總之就係冇得揀日子冇得揀位，非常 ad hoc！

 20號終於知道有飛，仲係21號晚，於是又拿拿臨告訴朋友！雖然交涉／回覆過程並非暢順，甚至令我有點氣結。。。不過，算了吧，朋友已沒幾多了！。。。

是晚係第二場演唱會，台燈聲好好（特別是個舞台設計和裝置，而煙火效果更見驚喜！），梳化服都好出色，嘉賓有WYMAN和C ALL STAR，8:40唱至11:30，盡興！我首次現場聽SAMMI 唱歌，挺有壓台風範，她的光芒不是現在的女歌手擁有，是經驗和歷練！

12點回到家，明早又要番工，處理完 home office，食埋傷風藥要睡了！