夢見結婚

尋晚第２次發夢自己結婚，又係第２次發夢見到那個令我抑鬱復發的前度（下面叫他做＂Ｋ＂！）。。。夢中我喺六十幾層樓高的地方睇結婚相，個位雖高但有棗紅絲絨質地的厚cushion，但個位就好窄，只夠一個人身碌一轉就會跌落去！我唔明點解要喺個咁高地方趴喺度睇相．．．之後又知道Ｋ知我結婚就黎攪住晒．．．

上網查，如果發夢見到自己結婚係咩意思？得到的答案係：

１）夢見自己結婚：要生病或離開人世。

２）夢見自己的舊情人：是表示你現在的心裡受了創傷，這股創傷會讓你的潛意識懷念起最純真的那一段戀情，也許你現在剛失戀了、也許你現在感情上剛好出現一些問題困擾著你，所以才會夢到舊情人。如果在夢中和對方結婚，則代表你和他的關係已經劃清界線，你是完全決絕的了。

３）夢到跟你的愛人結婚：表示這是你心裡的願望，一直希望達成。

４）夢中是跟一個陌生人結婚：表示你在生活或是工作等方面會有新的開始、新的展望，要好好規劃才是。

是晚，回到家收到Ｋ的whatsapp，我們已沒有聯絡至少５年，直到８月頭，Ｋ sms我，之後就係今晚的whatsapp。。。我知他終於換了智能手機，但我一次都冇回覆！因為，我唔想再俾同一個人hurt兩次，仲要係重傷兼惡夢；我亦唔想再抑鬱，因為我用了５年時間去療傷，我好難先企得番起身，我唔想。。。