一心打算請父母去太興食早餐（話說媽媽想去好耐但次次去到門口爸爸總說太貴而轉去了大家樂或美心），所以昨晚較了鬧鐘分別於 8:15，8:30 及 9:00 響鬧！點知約８點左右就聽到父母對話，說：「下？！陣間Ｘ點開檯打牌喎，咁趕。。。而家又咁大雨云云！」之後約 8:30 他們就拿拿臨換衫到樓下美心食早餐！
此話一出就打亂了我全日行程！本來想先請父母食太興早餐，再坐地鐵去金鐘舊火藥庫和尖沙咀看２個展覽！但結果。。。既然唔去太興，咁我仲駛乜特登起身？咁大雨我應該唔去金鐘＋尖咀睇展覽（因兩者步出地鐵還要步行若干路，沿途又沒有瓦遮頭），換句話說，我係咪可以繼續瞓？終於，我１點起身！
想啊想，睇黎今日Ｄ雨應該有排落！展覽看不成，那就去為日常生活家品入貨吧！我先到北角茶餐廳醫肚，然後在附近恆生打簿，再去友誠家品＋日本城＋實惠＋惠康，買了浴帽、衣物掛鈎、防潮劑、乾糧等！拿著大包小包和一把直身傘，既笨重也論盡，回到家已屆５點，把購回來的各樣物品執拾歸類，再望望鐘時已６點了！
沒有留言:
張貼留言