連 Blogspot 都用唔到？！

真攪笑！繼６月頭說這裡 upload 唔到內文及相片之後，連日內不能好好發洩心中怨屈及情緒，正打算另覓＂穩陣，易用，user friendly＂的網誌時，我又不甘心將這個 blog 就此作罷！因為我確實放了不少心機和耐心去經營！

昨晚，我再試試，點知又係唔得！通常我會先 upload 照片，之後是 caption 和內文，試過幾次 upload 都不成功！於是我變變陣式，轉為先 upload 內文，然後是照片，結果內文出到但照片依然唔知去了哪裡！。。。不甘心的我於是先用家用電腦把內文上載，再用手機把照片上傳，結果成功了！。。。嘩，很轉折的 upload process ！

還有，用手機 upload 是有問題的，因照片大細要先預設先可 upload，如不，就會一張相爆大一張相爆小，改來改去又改唔到（因手機上載是用 html 碼，加傳及 delete 又不方便），而且又因為怕按錯製便成篇日記移位和怪 format，所以我還未試過從手機先 upload 照片再打內文！。。。其實，真的很不方便！

不知道是否 blogspot 的問題？因我用了８個月都未試過這樣！然而，在首頁或內頁都找不到有關的 customer service 或問題聯絡一環，致令想向有關方面反映問題和求救都不成功！。。。知情者可否教教我，或給我 blogspot 的 contact！（另，之前彈出過 blogspot 的＂升級版＂視窗及試用；講真我覺得一點也不好用，難搵難 upload 而且 format 怪怪，希望往後日子不要＂強行＂用戶使用那個＂升級版＂！）