久而久之，士多啤梨鼻跟我連上關係，人越大士多啤梨鼻亦跟住我大！近期好興一隻韓國黑頭膏，攪到我心思思又想攪攪我粒士多啤梨。上次去康怡 AEON 買了支日本黑頭膏 (Pore Clear Pack eggshell essence & charcoal $45)，今晚決定一試！
洗完面後唧出搽上鼻 (包裝說可以搽埋眉心及下巴位置)，黑色膏狀少少杰，不過好易推開好易搽！唔駛太厚，薄薄一層總之把鼻及鼻翼位覆蓋就得。搽完約 5 分鐘開始 FEEL 到鼻鼻有點緊緻感，應該是黑頭膏開始乾，十分鐘左右就乾晒可以搣了！
搣果時有 D 痛，攪到兩行鼻涕流出......搣完見到黑色的衣 (黑頭膏乾了變成黑色的衣) 上面有白頭及粉刺，再看一下鼻子，嘩，我的士多啤梨鼻白淨番，呢支膏去左我 9 成的黑頭，勁呀！隔個禮拜我再清清先！
沒有留言:
張貼留言