波士頓鋸扒

上完佛，姐姐提議鋸扒去，我驚訝了會，就說好！去到好多人，等了１５分鐘左右（已算快了，因當時好多都一家大細，成七八個人，我們二人很快便輪到！）就入得去！

以前食過牛扒，一但韌的話成份餐就食唔落去！雞扒又好似唔太抵，魚我又唔食，ＯＫ，就要個雜扒！

波士頓的紅湯不及花園餐廳，個鋸Ｄ汁又少得可憐，雖跟鐵板上，但因汁太少而沒有＂時時聲＂，有Ｄ失望！（侍應端來時還叫我拎起餐巾遮住，其實又何須遮住，因根本冇＂時時＂！）

個雜扒有牛扒＋豬扒＋雞扒＋煙肉＋雞翼＋白肉腸，仲有波浪薯條！幸好我這舊牛唔太韌，基本上成個扒令我驚喜的是片煙肉，它的味道不像平時食開果Ｄ！另外，要讚的是這裡的餐飲夠大杯，不像金鳳和太平館那種的骰形（呷２啖就完，根本唔夠飲！佢仲要加錢先有杯＂大＂的，就算加錢要了大杯也比這裡的細杯）。。。