室內緩跑徑

一直想找室內緩跑徑，因唔想花錢ＪＯＩＮ，天雨關係又影響一星期一天的放鬆跑；得知坑口體育館有室內緩跑徑，於是星期五放工去探路！

出師未捷。。。我先搭錯地鐵（廣播唔清楚有點關係，我心神彷彿又有點關係），去了康城；之後等了十五分鐘才有一架關往北角的列車。。。噢！差不多９點了，我仲去唔去探路？於是，我放棄了，反正星期日都會到坑口！

昨天，終於探對了路！心諗，如果平時放工來跑，勞思動眾之餘又唔知幾點先放到工。。。太夜了，仲跑唔跑！由地鐵行到體育館，條路都幾靜。。。唔通，我就此掛靴？！