粒絨家居服

凍得太耐，加埋由中秋開始自己身體唔爭氣，幾乎個個星期六就係睇醫生，中醫西醫。。。

已經關暖爐近距離＂烘＂自己，都唔夠暖！見家居服已洗得久而變薄，倒不如徹底Ｄ，買過Ｄ衫褲家居服！

先再 UNIQLO 逛，赫見這款粒絨褲，仲要減價 $79，有藍有黑色，又有袋，平啊抵啊！（一條 ADIDAS 也要 $299 起碼）由於是禮頓道旗艦店才有，於是我買了黑藍各一以替換！一穿上去，很暖很舒服！

至於上身衫，UNIQLO 的衛衣不夠厚，毛巾質地的又不愜意，於是行去就近的 BOSSINI，見有一套套的家居服，度了度要了一包加大碼！（衫岩身但褲實在著唔落，太大腰圍太闊了，俾了媽媽！）藍白小企鵝，很好很順眼，裡面著件 HEATTECH，又暖又貼身！（一 PACK $220）此外再要了件長袖絨裡衛衣添！

另外在出入口時裝店見到一件雙面著的粒絨背心，只係 $89，好了，買埋佢就齊晒！