山楂球

公司樓下某舊式工業大廈裡面，有一間批發零食舖，佢以廉價招徠，每逢午飯時段及放工後客人都絡繹不絕！之前買過 $8.5 一瓶的 ILLY 咖啡，$4 一罐可樂....各式平價朱古力薯片等等，都真係幾抵！前天又去，諗住買山楂球，可是已售罄；唯有買了芝士魚條（$35一大包，出面小包都要成 $28）、荔枝味香口糖（$6.5）及好立克糖小食！由於真係好想食（唔知係咪食得多西藥個口有Ｄ苦，所以特別想食？），於是特登搭多個站，去北角雞蛋仔拐彎的另一間零食店買！

 去到好彩仲有，$13 一瓶，我揀了滿滿的２瓶，如獲至寶的抱回家！其實，我真的好喜歡食山楂球，每粒外層被白砂糖包裹，薄薄的外層包著山楂糖心，當小吃真的一流，粒接粒咁食，不到２天就可以食完一瓶！