船襪

船襪的出現的確好方便，之前都買過襪檔（約$28左右）或出入口店（平至$6）果Ｄ船襪；什麼＂唔臭，全棉，有彈性＂等廣告字眼，其實質地和取貨地都差唔多（甚至同一地方拎貨），後來試過著 Catalog 減價 $100 四對果D，質地好之餘洗好耐都唔會變形或殘！不過過了一段日子，條橡筋就有Ｄ軟落黎，導致對襪會跣落腳板底，行起路黎有野ＵＮ住唔舒服！連 Catalog 都攪成咁，仲有咩牌子的船襪好著唔跣落黎呢？

昨天行過精品店見到有＂巴斯光年＂船襪，佢仲話有防跣矽膠喺襪後端，見只係 $29 一對，姑且一試！今日著去打波，真係冇跣落黎，話晒第一次著，又睇下著耐左，洗幾轉之後再作定論！如果好的話，心郁郁想買埋＂盧蘇＂果對！