別府小食

總愛鬧著玩的你，隔著 partition 接過粒 M&M's 時無啦啦給我的手指貼上一片膠紙。。。那時我只想起彭羚的＂小玩意＂！我不知道自己往後還有沒有呢種機緣，看著中指上的膠紙，心入面始終有點愜意！

晚上陪你買完你要買的東西，去了別府食野！我們的計劃是，唔叫大碟大碗，企圖以多款小食果腹！最後叫了飯團（size 適中，味道和口感像飯焦脆米，沒有任何餡料都不俗），燒豬軟骨（好入味，軟骨與肉的比例恰到好處，個燒汁天是一絕！），吉列蠔（炸漿唔厚唔熱氣，蠔肉又鮮），天婦羅（Ｄ南瓜好鮮甜！），炙三文魚壽司（上層像 BBQ 味而下層好鮮，一片炙三文魚兩種口感）。。。估唔到，我們還點了三文魚頭！（知你鐘意食）

平生第一趟食這樣整法的三文魚，仲要係魚頭，嘩不得了！坦白講，個魚頭層皮好脆，味道唔腥，骨唔多，而且大大根好容易分開出來，這魚頭仲有好多骨膠原，醮了檸檬汁，對於我這個怕魚的人也會主動連皮連肉夾來食！

 原來別府設有鼓勵禮貌運動，但凡每月的星期一，只要在結帳時向侍應說一句：唔該晒！就有減＄５優惠，挺有趣！