芒果薯仔雜果沙律餐

牛頭角街坊茶餐廳－－蘭香園一到 lunch 大排人龍，今日老闆唔喺度，我地早了５分鐘出去，去到等左一陣就有位！搭檯，在所難免啦！

我要了個沙律餐，有半個新鮮芒果＋薯仔雜果沙律，另外我配了炸魚柳及炸雞翼，連餐飲 $50！（除魚柳雞翼外，你仲可以配：雞／豬扒／札肉越式撈檬；豬頸肉公仔麵；牛肉撈丁）

個芒果真係甜到冇朋友，粒粒鮮甜果肉，爽！沙律足料，醬汁搗勻唔太酸！（如果多Ｄ菜會更好）至於個魚柳，大大件，炸漿唔厚，魚肉唔腥，抵讚！三只雞翼，醃得好入味！今餐又煎又炸，不過好好食！